Centurion-bejaarde twee keer geskiet

Argieffoto

Argieffoto

Frans de Jonge (74) is Dinsdagaand by sy huis in Eldoraigne, Centurion deur vier mans oorval en hy is twee keer in die maag geskiet.

De Jonge se dogter, Cilleste de Jonge, het aan Maroela Media gesê haar pa is nog in ʼn kritieke toestand in die Unitas-hospitaal in Centurion. Hy word Woensdag geopereer.

Volgens Cilleste het haar ouers laatmiddag teruggekeer by die huis en haar ma, Hester, het uitgeklim om solank die huis oop te sluit. Sy het deur die motorhuis gestap. Frans het die motor in die motorhuis ingetrek. Terwyl hy in die motorhuis doenig was, het die vier mans hom oorval. ʼn Vyfde verdagte het glo in die wegkomvoertuig bly sit.

Dit is nie duidelik wat gebeur het nie, maar Frans is twee keer in die maag geskiet.

Hester is nie beseer nie.

“ʼn Saak van huisroof en poging tot moord is oopgemaak,” het sers. Anne Poortman, woordvoerder van die polisie, aan Maroela Media gesê. “Niemand is nog in verband met die voorval in hegtenis geneem nie. Die polisie ondersoek die saak.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

5 Kommentare

jongste oudste gewildste
Ria Maritz

Mag ons Hemelse Vader gee dat ook hierdie mens se lewe gespaar sal bly – ook dat Hy Sy hand van beskerming oor elkeen van ons sal hou.

Ons word soos vliee afgemaai – moordenaars word nie opgespoor, word daar enigsins moeite gedoen om hulle op te spoor ?

Die dae van vryelik kom en gaan is verby, ons leef soos kluisenaars in ons eie tronke !

STERKTE word u toegewens !

Jasper

Ons mense moet dringend ons leefstyl verander. Dit is duidelik dat hier n beplande aanslag op die witman is. Dit gaan toeneem en die polisie sal nie orals bykom nie. Elke mens moet paraat wees. Oumense kan nie meer alleen bly nie.

Johan de Jonge

Dit is TYD VIR DOODSTRAF!!!!!!!!!!! Ons moet die regering dwing vir n referendum.