Ambrose Monye Foto: EWN
Monye se broer het aangebied om hom te huisves indien hy op borgtog vrygelaat word, berig EWN. Monye het sy borgaansoek by die landdroshof in Pretoria ingedien ná hy ses maande gelede in hegtenis geneem is.
Henning is in November 2011 doodgeskiet net nadat sy haar seuntjie by ‘n kleuterskool in Faerie Glen, Pretoria afgelaai het.
Staatsaanklaer Gerrie Nel het egter uitgewys dat die verdedigingspan nuwe getuienis tot die hofsaak wil byvoeg. Nel het bewys dat Monye gelieg het oor die adres waar hy glo sou bly indien hy vrygelaat word.
Jeff Ledwaba, prokureur vir die verdediging, het uitstel versoek om die nuwe adres te ondersoek. Monye se broer sal na verwagting binne twee weke sy verskyning in die hof maak.
Was hierdie uitstel tot September, of is ek verkeerd? Tenminste is hy nog in die tronk, tot dan. As jy so maklik net iemand kan uithaal, hoort jy nie op die straat nie, al was dit vir geld.
So jammer so veel mense se tyd en geld word gemors, hoekom was dit nie nagegaan voor die hofdatum nie.