Coke lê honderde werkers af

Coca-Cola het Donderdag aangekondig dat hulle 750 werknemers in Amerika weens herstrukturering moet aflê.

Volgens ‘n woordvoerder van die maatskappy bestaan dié werknemers uit 1% van die maatskappy se totale werksmag in Noord-Amerika. Die meeste afleggings gaan by die maatskappy se hoofkantoor in Atlanta, Georgia, plaasvind.

Die afleggings en herstrukturering volg nadat die maatskappy in 2010 die botteleringsbedrywighede van Coca-Cola Enterprises verwerf en begin integreer het. Na verwagting sal die maatskappy tussen $550 en $650 miljoen met die vierjaarintegrasie-program spaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae