Corrie Sanders, die voormalige swaargewig bokser, is Sondagoggend dood.
Sanders is Saterdagaand tydens ʼn gewapende roof by ʼn restaurant naby Brits in die maag en arm geskiet. Na wat verneem word, was Sanders by ‘n 21e verjaardagpartytjie van sy nefie by die restaurant, toe rowers toegeslaan en mense van hul selfone en beursies beroof het.
Die 46-jarige Sanders is kort na die voorval in die Kalafong-hospitaal in Pretoria opgeneem, waar hy aan sy wonde beswyk het. Die polisie ondersoek die voorval. Niemand is nog in verband met die roof in hegtenis geneem nie.
