Cosatu sit vandag sy massaprotesaksie teen die omstrede e-tolstelsel voort met ʼn ‘stadigry-betoging’ in Pretoria.
Die betoging sal omstreeks 8:00 langs McDonalds oorkant die Garden Court-hotel in Hatfield begin. Dumisani Dakile, Cosatu se provinsiale sekretaris, sê die betoging sal van hier oos op die N4, suid op die N1 en dan na die R21 in die rigting van die lughawe beweeg. Dakile sê die betogers sal die Nelmapius-afrit neem en dan weer op die R21-noord aansluit en by Fonteine in Eeufees-weg eindig. “Die stadigry-betoging is om bewustheid te skep rakende die veldtog om weg te doen met die e-tolstelsel in Gauteng,” het Dakile gesê.