Cwele verdedig ‘geheimhoudingswet’

Foto: Chantall Presence, EWN

Siyabonga Cwele, minister van staatsekuriteit het weereens die Wetsontwerp op die Beskerming van Staatsinligting verdedig en gesê dat die doel nie is om die media te muilband nie.

Volgens Eyewitness News het Cwele gesê die omstrede wetsontwerp poog nie om joernaliste te reguleer nie. Die Nasionale Vergadering het die wetsontwerp in November goedgekeur, ten spyte van die beroep om ‘n klousule wat voorsiening maak vir openbare belang by die wetsontwerp in te sluit. Cwele het aangedui dat so ‘n klousule die doeltreffendheid van die wetsontwerp sou verswak. “Dit is nie bedoel om joernaliste te straf nie. Dit gaan oor die inligting wat moontlik openbaar gemaak kan word en daar sal dan geen terugkeer daarvan wees nie. As jy daarvoor ‘n oplossing kan vind, hoe verseker ons dat sensitiewe inligting nie openbaar gemaak kan word nie?” het die minister gesê.

Hy het voorts ook die ANC verdedig en gesê dat openbare vergaderings gehou word wat sal dien as inligting om wysigings aan die wetsontwerp aan te bring. “Indien enigiets geldig is, sal ons dit altyd oorweeg. Ons het onsself verbind. Toe ons met die wetsontwerp begin het, die vorige weergawe van die wetsontwerp, was ons baie ver verwyderd,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.