Cyril Ramaphosa verduidelik “Boer”-uitlating

Cyril Ramaphosa

Cyril Ramaphosa

Cyril Ramaphosa, adjunk president van die ANC, het Dinsdag gesê dit is jammer dat sy gebruik van die woord “Boer” ongelukkigheid veroorsaak het.

“In my gesprek met ʼn Seshego-inwoner het ek gewaarsku oor die gevaar indien die land sou agteruit gaan. Ek het ʼn term gebruik wat algemeen gebruik word deur swart Suid-Afrikaners om te verwys na die destydse apartheidsregering,” het Ramaphosa in ʼn verklaring gesê. “Dit is ‘n term wat altyd in dié verband verstaan word.”

The Star het Maandag berig Ramaphosa het inwoners van Limpopo oor die naweek aangemoedig om te stem “anders gaan die Boere weer aan bewind kom”. Hy het dié uitlating gemaak toe hy met ʼn ontevrede inwoner van Seshego gepraat het. Die inwoner, Johanna Phala (49), het geweier om in volgende jaar se verkiesing te stem omdat die ANC haar teleurgestel het.

Opposisiepartye het Ramaphosa vir sy uitlating gekritiseer. Mosiuoa Lekota, die leier van Cope, het gesê dit dui op ʼn skandelike gebrek aan respek vir die Grondwet. Die DA het gesê sy uitlating bewys dat Ramaphosa in die “donker eeue” leef. Die Vryheidsfront Plus het gesê sy kommentaar is rassisties.

Ramaphosa het Dinsdag gesê sy kommentaar was nie bedoel om neerhalend te wees nie. “My kommentaar was nie bedoel om na ‘n spesifieke deel van ons bevolking te verwys nie, en dit is jammer indien so ‘n indruk geskep is. As Suid-Afrika vorentoe wil beweeg, moet alle Suid-Afrikaners, ongeag van hul taal of agtergrond, saamwerk as gelyke burgers,” het hy gesê.

Lees ook:
Politiekery met “Boere” moet end kry – Agri SA
Nuuskommentaar: Pasop, hier kom die Boere!
“Stem of die Boere gaan weer oorneem” – Ramaphosa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Shane

Dit is swaar om te lees as daardie Cyril vir my loer en smile. Dit lyk of hy vir my gaan knik ook.

Stoere Boer

Cyril ons glo jou. Julle sal mos nooit lieg nie. Verduidelik watse gevaar praat jy van in die volgende sin: “In my gesprek met ʼn Seshego-inwoner het ek gewaarsku oor die gevaar indien die land sou agteruit gaan.” Is die boere die gevaar want die land het in elk geval sovêr agteruit gegaan dat nie eers hul stemme dit weer sal regruk nie. Dalk moet jy vir grootbek Mac kry om die kastaings uit die vuur te kom krap want jy klink net so klipdom soos jou prez.

Elize Mans

Ek dink Cyril,jy moet jou kop laat lees.Dit is nie die Boer wat die land regeer het nie.Die Boer was nog altyd n Land bouer wat kos vir jou en die land produseer het.Maarwat sal jy doen,as daar nie meer n Boer is om te produseer nie.Dan lyk Suid Afrika ook soos ons Buurlande.Kripeer en dood op n streep van hongersnood.Wat sal julle nog doen om die ANC goed te praat..

AmY

Nou raak dan ontslae van die vrot appels wat rassistiese uitlatings maak. So maklik soos dit!!!

AmY

Kry vir Kopdoek Craucamp om te help. Hy haat mos ons afrikaners so baie.