Argieffoto
Die DA het Woensdag gesê hy gaan die grondwetlikheid van die wetgewing oor die e-tolstelsel in Gauteng betwis.
“Dit kan verreikende gevolge hê vir die bekendstelling van e-tol in die provinsie,” het die Demokratiese Alliansie in ʼn verklaring gesê. Besonderhede van die hofgeding sal Donderdag deur die party se woordvoerder, Mmusi Maimane, bekend gemaak word.
Die hoogste hof van appèl het in Oktober ʼn aansoek van die Bondgenootskap teen Stedelike Tol (Outa) teen die Suid-Afrikaanse Nasionale Padagentskap (Sanral) se e-tolstelsel van die hand gewys.
