DA-plakkaat veroorsaak opskudding

Die DA studenteorganisasie (Daso) het Maandag ʼn opskudding veroorsaak op sosiale netwerke nadat die organisasie sy nuwe werwingsplakkaat op Facebook geplaas het.

IOL berig dat die plakkaat wys hoe ‘n wit man en swart vrou mekaar met kaal bolywe omhels. Die DA se jeugleier, Makashule Gana, het intussen die plakkaat verdedig. “Ons is ʼn nuwe generasie van mense en leiers en ons wil ʼn sekere samelewing te weeg bring, een waar mens nie twee keer sal kyk wanneer jy so iets sien nie. Ons praat van die toekoms.” Die plakkaat het ʼn storm ontketen op sosiale netwerke soos Facebook en Twitter met sommige mense wat dit as pornografie bestempel en sê dit sal meer gepas wees vir ʼn advertensie vir kondome as vir ʼn politieke organisasie. Daar is ook diegene wat die DA geloof het vir die plakkaat en meen dit is ʼn ware uitbeelding van die huidige Suid-Afrika.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Stoffel Nel ·

Goeie advertensie. Uit teksboek bedoel ek! Ek is nie ongemaklik. Die vraag is of ek enige iets sou se as dit nie wit swart was nie.. Ek is nie skynheilig nie!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.