DA-raadslid in sop oor k-woord

Die dissiplinêre komitee van die DA in die Wes-Kaap ondersoek een van sy raadslede van Mosselbaai nadat sy na bewering ʼn rassistiese uitlating gemaak het.

Susan Moodie het glo in Mei vanjaar aan Elsabé Moolman, van die Independent Civics Association of South Africa, gesê sy dat sy ʼn “bus vol k****rs” na ʼn vergadering sou bring nadat Moolman haar glo genooi het om ʼn vergadering oor behuising by te woon. Anton Bredell, provinsiale partyvoorsitter, sê die dissiplinêre komitee ondersoek tans Moodie se uitlatings en sal binne die volgende twee weke uitspraak hieroor lewer. Moodie kan ʼn formele waarskuwing of ʼn boete ontvang of selfs uit haar pos onthef word. Sy is in September deur die DA se gedragskodekomitee daaraan skuldig bevind dat sy die party se gedragskode oortree het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.