“Die land brand en Zuma rus in Nkandla”

Een van Africartoons se spotprente Foto: https://www.facebook.com/africartoons

Een van Africartoons se spotprente Foto: https://www.facebook.com/africartoons

Mmusi Maimane, die DA se premierskandidaat vir Gauteng, het Sondag gesê pres. Jacob Zuma ontspan in Nkandla terwyl die land brand.

Maimane het sowat 50 mense buite Laerskool Lefika in Sebokeng in die suide van Johannesburg toegespreek. “Mense sterf tydens betogings en die president en sy senior personeel spreek hulle nie toe nie. Dit is nie die ANC van Nelson Mandela nie,” het Maimane gesê.

Maimane het ook aangedui dat die DA ʼn familie sal help om die liggaam van ʼn man, wat tydens betogings gesterf het, van Gauteng na die Vrystaat te vervoer. Lerata Rabolila se oorskot sal van Sebokeng na Ficksburg vervoer word. Rabolila is tydens die gewelddadige betogings in Boiketlong doodgeskiet. “As Suid-Afrikaners moet ons mekaar help,” het hy gesê.

Maimane het die inwoners van Boiketlong aangemoedig om te stem, ondanks dit wat Woensdag gebeur het. “Kom ons registreer sodat ons vir verandering kan stem. Ons moet verskillende tipes betogings hê, nie betogings oor die basiese behoeftes soos water en elektrisiteit nie.” -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Stephanie Gernandt ·

Mag die MEERDERHEID ander volke se oë finaal oopgaan deur NIE vir die ANC te stem nie!!

Demokraat ·

Dis reg Stephanie, en wil mens bykans versoek dat al die miljoene wie nie gaan registreer het, nie, dit tog asseblief doen want ‘n groot gedeelte van diegene wie nie registreer het nie, is opponente van die ANC. Dit help bykans niks dat baie ANC-onderteuners nie gaan stem nie, maar die opponente het nie gaan registreer nie – diegene gee dan inderdaad steeds vir die ANC ‘n voorsprong.

pop ·

Ek is verstom dat enigiemand verbaas is> En moenie asem ophou dat enigiemand se oe sal oopgaan nie<Kyk na al die ander afrika lande. Die mense glo blykbaar hulle sal op die lang duur op beloftes kan oorleef.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.