Argieffoto
Owerhede in Syracuse, New York, sê ‘n inbreker se besluit om ‘n paar biere ná ‘n inbraak te drink, het tot sy inhegtenisneming gelei.
“Moses Wilson (29) het vroeg in Februarie glo koperpype by ‘n huurhuis, wat leeg gestaan het, gesteel. Hy het ‘n kas bier in die kelder opgespoor en toe van dié bier tydens die rooftog gedrink.
Aanklaers sê polisiebeamptes kon Wilson se DNA aan die DNA op die toneel verbind.
Hy is Dinsdag in Onondaga County Court van diefstal aangekla. Hy word op $10 000 borg aangehou. Dit is nog nie duidelik of hy ‘n prokureur het nie.
