Roy Murphy
Roy Murphy (43) van Missouri in Amerika het die regter versoek om hom die maksimumvonnis op te lê nadat hy ʼn winkel beroof het.
Die maksimumvonnis is sewe jaar.
Murphy het aangedui hy verkies die lewe agter die tralies. “Ek is nou al ʼn jaar lank uit. Ek het niks nie en ek weet nie hoe om buite [die tronk] te leef nie,” het hy aan UPI.com gesê.
Dié beroepsmisdadiger het erken dat hy in November ʼn winkel beroof en geld uit die kasregister geëis het sodat hy weer toegesluit kan word.
Regter Patrick Robb het egter nie die versoek toegestaan nie, en het Murphy tot vier jaar tronkstraf gevonnis, omdat Murphy glo “te hoflik” was. “Die kassier wou nie die kasregister oopmaak nie,” het Murphy verduidelik. “Ek het gevra of sy asseblief die kasregister sal oopmaak.”
Indien Murphy glo fisiese geweld gebruik het, sou hy dalk swaarder gevonnis word, berig StlToday.com.
Hy het ʼn skimasker by hom gehad, maar het dit nie aangehad nie. Hy het aan die kassier gesê hy sal dit graag aantrek as dit sy inhegtenisneming sou aanhelp. Voor hy daar weg is, het hy aan sy slagoffer gesê: “Bel asseblief die polisie.”
Hier by ons gaan dit maar netso, lekker gratis losies.
Ag dis darem lekker. Laat belastingbetalers maar sorg. Wie is lus om vir my te sorg ?