ʼn Personeellid van die Johannesburg-dieretuin is deur ʼn leeuwyfie op die dieretuin se leeuplaas, Rietkuil, in die Vredefort-distrik in die Vrystaat doodgebyt.
Volksblad berig dat Joe Ramonetha (63) amper 40 jaar lank vir die dieretuin gewerk het. ʼn Woordvoerder van die dieretuin, Louise Gordon, sê dit is nog nie seker of Ramonetha besig was om die leeus te voer of hokke skoon te maak toe hy gebyt is nie. Hy het nog geleef nadat hy gebyt is en na die hospitaal op Parys gevat. Hy het later aan sy beserings beswyk. Gordon sê die dieretuin en sy personeellede betreur hul kollega se dood.
Lees meer hier.