ʼn Direkteur van ʼn ouditeursfirma in Johannesburg is Vrydag by sy kantoor in Houghton doodgeskiet.
Die firma, SizweNtsalubaGobodo, het die skietery bevestig en die direkteur as Lawrence Moepi identifiseer.
Inligting rondom die voorval is nog skaars.
Konst. Ndivhuwo Mulamu, ʼn polisiewoordvoerder, het bevestig dat ʼn man in die omgewing doodgeskiet is, maar kon nie in dié stadium meer inligting verskaf nie.
Die firma wou ook nie meer oor die voorval uitbrei nie, maar het gesê hulle sal alles in hul vermoë doen om die polisie by te staan met hul ondersoek.
Die firma het sy medelye teenoor Moepi se familie en vriende uitgespreek.
– SAPA
Wanneer gaan die Geweld nou ophou,God sal moet intree, dis die enigste een wat sal iets doen in ons Land
Bid sonder Ophou.
Hierdie mense glo seker nie aan God nie. Hoop hulle geniet eendag die Hel.