Nelson Mandela
Die presidensie het Woensdag laat weet oud-president Nelson Mandela maak goeie vordering in die hospitaal en sy dokters is tevrede met sy toestand.
Volgens Mac Maharaj, die presidensie se woordvoerder, toon Madiba (94) goeie vordering op sy behandeling. “Hy is baie beter as wat hy ʼn week gelede was toe hy op 27 Maart in die hospitaal vir longontsteking opgeneem is,” het Maharaj gesê.
Maharaj sê Mandela ontvang besoek van familie. Dit is nog nie in die stadium bekend wanneer hy uit die hospitaal ontslaan gaan word nie.
