Argieffoto
Die moord op ‘n dominee van ‘n kerk in KwaZulu-Natal is Dinsdag veroordeel.
Willies Mchunu, LUR vir gemeenskapsveiligheid, het gesê hy is “geskok en ontsteld” oor die voorval. Ds. Agrippa Cibane van die African Gospel Church in eLovu (Illovo), suid van Durban, is Sondag net voor sy preek doodgeskiet. Die diens sou in die C-deel van eLovu plaasgevind het. “Ek is vol vertroue dat die polisie die oortreders sal aankeer,” het Mchunu gesê.
Die polisie was nie dadelik vir kommentaar beskikbaar nie.
