Die polisie staan die media voor die vrou se woning te woord. Foto: NOS.
‘n Rotterdamse vrou se lyk is 10 jaar ná sy gesterf het, in haar woning gevind toe ‘n kontrakteur herstelwerk aan die kompleks se gastoevoer gedoen het.
Die Nederlandse media hou nou op verskeie maniere nabetragting oor hoe dit kon gebeur het, en probeer peil of die munisipaliteit van Rotterdam op ‘n manier nalatig was.
Die vrou se rekenings is outomaties van haar pensioen verhaal. Haar dogter het aan die media gesê sy het baie lanklaas met haar ma kontak gehad, omdat haar ma niks met haar te doene wou hê nie.
Ander gevalle het al in Nederland voorgekom waar iemand eers ‘n jaar of meer na afsterwe in hul woonplekke ontdek is, maar hierdie is by verre die langste wat dit nog gebeur het.
Inwoners van die buurt is geskok. Die straat het ‘n aktiewe inwonersgroep, maar selfs dit kon nie voorkom dat die voorval, wat tot in die politiek opslae gemaak het, gebeur het nie. ‘n Buurvrou het gesê hulle het geen onraad vermoed nie. Sy self het bloot aanvaar dat die vrou by haar dogter ingetrek het. Ander berigte lui dat nog geen familie opgespoor kon word nie.
Net in Nederland… ‘n Bewys dat humanisme geen plek vir mense het nie.
Lekker rook hulle die oorledene se pensioenfonds! Nou sal die arme stadsraad dit alles moet terug betaal. Tien jaar se rates & taxes in Holland sal seker so ‘n paar miljoen rand wees? (Saamgestelde rente ens.)
Arme mens. Sy kon ook nie vriende gehad het nie.