Drankwinkeleienaar doodgeskiet

ʼn Drankwinkeleienaar is Donderdagaand buite sy winkel in die Oos-Kaap doodgeskiet.

Kaptein Jackson Manatha, ʼn woordvoerder van die polisie, het Vrydag gesê die voorval het in Willowvale plaasgevind. “Die man was besig om sy voertuig buite sy winkel te was toe vier gewapende mans hom genader het,” het Manatha gesê.

Sy dogter, wat tydens die voorval in die winkel was, het skote gehoor en na buite gehardloop. Die verdagtes het die man se voertuig gesteel en van die toneel gevlug. Hy is op die toneel dood. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.