Drie mense, waaronder twee kinders, is in die MediCinic opgeneem nadat ‘n brand Donderdagoggend in ‘n woonstelblok in Parkweg, Bloemfontein, uitgebreek het.
Chaka Marope, ‘n polisiewoordvoerder, het bevestig dat een persoon ernstig beseer is en dat twee 8-jarige kinders in die hospitaal opgeneem is vir rookinaseming.
“ʼn Brand het in die vroeë oggendure in ʼn woonstel uitgebreek en vinnig na die omliggende woonstelle versprei en skade aan die gebou en besittings aangerig. Die oorsaak van die brand is nog nie bekend nie,” het Marope aan OFM gesê.