Drie sterf in motorfietsongeluk

Drie mense is Dinsdag dood nadat twee motorfietse reg van voor gebots het in Lanseria, Johannesburg.

Santi Steinmann, woordvoerder van Netcare911, sê twee vroue en ʼn man is in die ongeluk dood. Sy sê albei motorfietse het aan die brand geslaan na die botsing. Die oorsaak van die ongeluk is nog nie bekend nie en word deur die polisie ondersoek.