Drie verskyn oor bestuuderslisensie-bedrog

Drie mans wat daarvan beskuldig word dat hulle by ‘n bestuurderslisensie-slenter betrokke was, se borgaansoek is Dinsdag in die landdroshof in Kemptonpark afgekeur.

Wilfred Kgasago, hoof superintendent van die metropolisie in Ekurhuleni, het gesê die saak is vir verdere ondersoek uitgestel. ‘n Nuwe hofdatum was nie dadelik beskikbaar nie.

‘n Taxibestuurder is Donderdag in Kemptonpark in hegtenis geneem nadat hy ‘n vervalsde bestuurderslisensie aangebied het. “Die bestuurder het die polisie na twee internetkafees gelei waar hulle beslag gelê het op rekenaars, drukkers, skandeerders, amptelike stempels en dokumente (blanko vorms vir voertuigregistrasies en bestuurderslisensies),” het Kgasago gesê. Die polisie het die internetkafees wat aan die mans behoort het, gesluit.