ʼn Vermeende dronkbestuurder is in hegtenis geneem nadat hy vroeg Woensdagoggend teen die agterkant van ʼn metropolisievoertuig in Roodepoort, Johannesburg, vasgery het.
Die ongeluk het kort ná middernag op die hoek van Ontdekkers- en Gordonweg plaasgevind, het Edna Mamonyane, ʼn woordvoerder van die Johannesburgse metropolisie, gesê. “Daar was drie beamptes in die voertuig en almal moes na ʼn hospitaal geneem word vir verdere behandeling. Een is in ʼn ernstige toestand en die ander twee het ligte beserings opgedoen,” het Mamonyane gesê.
Die man verskyn later vandag [Woensdag] in die hof op ʼn aanklag van dronkbestuur.
Is dit nie die Metro polisie se slaaptyd nie? Wat soek hulle op die pad? hie hie