Durban-man vas oor gesin se moord

Argieffoto

Argieffoto

ʼn Man is in Durban in hegtenis geneem in verband met die moord op sy vrou en twee kinders, het die polisie in KwaZulu-Natal Woensdag gesê.

“Die 44-jarige man het homself Dinsdagaand aan die polisie by Chatsworth oorgegee,” het kapt. Thulani Zwane, woordvoerder van die polisie, gesê.

Die polisie is Maandagaand na die gesin se huis in Moorton ontbied nadat familielede hulle nie in die hande kon kry nie en ook nie by hul huis kon inkom nie. “Beamptes het die deur oopgebreek. Die liggame van die 40-jarige vrou en haar twee kinders, ʼn 18-jarige dogter en ʼn 19-jarige seun, is in een van die slaapkamers aangetref,” het Zwane bygevoeg. “Hulle het verskeie beserings opgedoen.”

Dit wil nie voorkom of enigiets gesteel is nie, aangesien die selfone en ander waardevolle besittings steeds in die huis was.

Die man sal na verwagting Vrydag in die Chatsworth-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Justi ·

En toe hoef die polisie nie ver na die wreedaard te soek nie…………..

GawieM ·

Tragies en so onnodig Justi. Waarom hy nie sy lewe neem nie en die ander sin los nie?

Ria Maritz ·

Dit is my redenasie ook Gawie, as jy nie langer wil leef, neem dan net jou eie (ek stem nie saam met selfmoord nie) !

Justi ·

Gawie, ja ek stem saam. Persoonlik glo ek net n lafaard be-eindig sy familie se lewe.

Hy was natuurlik te geel om sy eie lewe ook te neem. Ek staan dit nie voor nie, tog waarom sy hele gesin uitwis? Die lafaard.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.