Mandrax-tablette met ʼn straatwaarde van R250 000 is in ʼn teddiebeer gevind, het die polisie in Gauteng gesê.
Lt. Juanita Coetzer, woordvoerder van die polisie, sê die teddiebeer is in ʼn boks by ʼn koeriermaatskappy in Boksburg aan die Oos-Rand gevind nadat die polisie op ʼn wenk reageer het. Sy sê die tablette was in 27 deurskynende plastieksakkies verpak en in die teddiebeer weggesteek. Coetzer sê die polisie soek tans na die verdagte wat die pakkie na koeriermaatskappy gebring het vir aflewering.