Dwelmverwysing op muur van antieke skool

Antieke dwelm

Die antieke verwysing na dwelms

Argeoloë het ‘n verwysing na dwelmgebruik op die mure van ‘n antieke Egiptiese skool van sowat 1 700 jaar gelede gekry – maar dit was klaarblyklik deel van die leerplan.

Die skool is in ‘n oase sowat 200 kilometer wes van die Nyl in die woestyn gevind. Egipte is destyds deur die Romeine regeer, maar Grieks is nog algemeen gebruik. Die inskrywing verwys na ‘n deel van die verhaal van Troje, toe die skone Helena ‘n drankie aan haar gaste gegee het wat smart en trane verdryf. Die argeoloë meen dit het waarskynlik na opium verwys.

Die skool was net ‘n kort rukkie in gebruik, en het waarskynlik opgehou bestaan toe die onderwyser dood is of verhuis het. Die gebou het toe deel van ‘n nabygeleë huis geword.

Bron: Live Science. Volledige artikel kan hier gelees word.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae