e-Tol dalk na meer provinsies

As die e-tolstelsel in Gauteng in werking gestel word, is dit net ‘n kwessie van tyd voor dit na ander provinsies versprei. So sê Wayne Duvenhage, voorsitter van die Bondgenootskap teen Stedelike Tol (Outa), nadat die grondwethof Donderdag die interdik teen die inwerkingstelling van die e-tolstelsel ter syde gestel het.

Pieter Conradie, ‘n regsverteenwoordiger vir Outa, het aan Jacaranda 94.2 gesê die uitspraak beteken die stelsel kan enige tyd in werking tree. Hy sê egter die uitspraak het nie ʼn negatiewe uitwerking op die hersieningsaansoek gehad wat in November gaan voorkom nie.

Intussen het die sanger Steve Hofmeyr gesê hy gaan nie vir e-tol registreer nie. Dit volg nadat die burgerregte-organisasie AfriForum ʼn beroep op motoriste gedoen het om nie vir e-tol te registreer nie. Lees meer hier.

Cosatu het ook vandeesweek gesê hy sal die e-tolstelsel met alles tot sy beskikking beveg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.