E-tol: Motoriste gewaarsku

Argieffoto

Argieffoto

Motoriste moet binne sewe dae, nadat hulle hul e-tolfakture ontvang het, die rekening betaal of hulle sal aan skuldinvorderaars oorhandig word, het Sanral Sondag gesê.

“Daar is aansporingsbonusse in die skuldinvorderingsproses wat registrasie en die aanskaf van ‘n e-tolskyfie insluit,” het Nazir Alli, hoof uitvoerende beampte van die Nasionale Padagentskap (Sanral), Sondag gesê. “Indien die skuldinvordering misluk, sal die Strafproseswet intree en betrokke motoriste sal gevolglik dagvaardings ontvang.”

Die e-tolstelsel begin op 3 Desember in Gauteng.

“Diegene wat vir e-tol registreer sal 40% afslag op tariewe ontvang,” het Alli bygevoeg.

Dipuo Peters, minister van vervoer, het vroeër Sondag by die perskonferensie by Sanral se kantoor in Midrand, diegene wat e-tol teenstaan veroordeel en gesê hulle moet “aan beweeg”.

“Die National Union of Metalworkers of SA (Numsa) mislei motoriste,” het Peters gesê. Dié vakbond het e-tol kritiseer nadat Peters die datum, waarop e-tol in werking sal tree, aangekondig het. Die vakbond sê padgebruikers moenie volgende jaar vir die ANC stem tensy hulle die e-tolstelsel skrap nie. “Ek het nie verwag dat ‘n vakbond só iets sal sê nie,” sê Peters. “Ons het ná die verkiesing selfs meer paaie en goeie infrastruktuur nodig. Numsa mislei die publiek, tensy hy wil sê dat hy besig is om in ‘n politieke party te verander.”

Peters het die Demokratiese Allianse as “polities bankrot” beskryf nadat hulle advertensieborde teen e-tol langs die snelweë opgerig het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
HELENA SEABORNE

ag hulle mut maar hulle duim gaan suig vir al wat ek omgee. laat zuma dit betaal, lyk my hy het te veel geld.

cecile.

Wat sal met my geweer as ek nie registreer nie. Gaan net einde van Des. Kaap toe…

b j smit

wat gaan hulle doen my dagvaar vir die een of twee keer wat ek dit gaan ge bruik die dagvaarding sal meer as dit kos nie prakties moontlik nie

Theo

Ek sal onder die wet staan waar my handtekening ook onderaan staan.
Geen orobleem.
Maar waar daar geen demokrasie was nie en ek geen sê gegun was nie staan ek nie onder nie…

Eugene Van Staden

Ek sal dit nie betaal nie maak wat julle wil!!!!!!!!!!!!!
Julle maak my nie bang nie LOL

Skelms!!! Kyk hoe hoog is petrol en Tolgeld reeds!!!!!

Epos my dan gee ek julle my adres dan kom probeer julle my bang maak ok :)