Die finale ronde vir samesprekings oor die omstrede e-tolstelsel gaan na verwagting vandag begin.
Volgens die presidensie gaan die regering en die Bondgenootskap teen Stedelike Tol (OUTA) met die eerste vergaderings begin oor die Gautengse Snelwegverbeteringsprojek, berig RSG.
Die partye gaan by die Uniegebou vergader. Thabo Masebe, ʼn woordvoerder van die presidensie, sê die regering het die publiek se kommer oor kostes van die e-tolstelsel in aanmerking geneem en sal volgende week daarop reageer.