Een dood, 16 beseer in botsing

Een persoon is dood en 16 beseer na ʼn minibustaxi teen twee voertuie gebots het in Beyers Naudeweg in Montgomery Park, Johannesburg.

Hoofsupt. Wayne Minnaar, woordvoerder van die Johannesburgse metropolisie, sê die bestuurder van een van die motors is op die toneel, naby die West Park-begraafplaas, dood. Minnaar sê vyftien passasiers van die taxi is in die ongeluk beseer. ʼn Vrou is in ʼn kritieke toestand. “Sy is uit die taxi geslinger,” het Minnaar gesê. Die oorsaak van die ongeluk word ondersoek.