Een dood in Potchefstroom-brand

Een persoon is dood ná ʼn brand vroeg Woensdagoggend in ʼn woonstelblok in Potchefstroom uitgebreek het.

Die oorsaak van die brand is nog onbekend, maar toe ER24-paramedici by die toneel opgedaag het, was een van die woonstelle in ligte laaie. Verskeie inwoners van die woonstelblok het betyds uit die brandende gebou gevlug, maar een van die inwoners het verskeie noodlottige brandwonde opgedoen. Die persoon is op die toneel dood verklaar.

Die oorsaak van die brand sal deur die owerhede ondersoek word.