Een dood, nege beseer na gaslekkasie op skip

Een persoon is dood en nege bemanningslede is ontruim nadat daar ʼn gaslekkasie was op ʼn skip aan die kus van Port Elizabeth.

Ian Gray, stasiebevelvoerder van die Nasionale Seereddingsinstituut (NSRI) in Port Elizabeth, sê die nege bemanningslede is deur paramedici behandel en is in ʼn stabiele toestand in hospitale in Port Elizabeth. Die oorledene se liggaam is deur die patologie-eenheid van die skip verwyder. Gray sê die bemanningslede het gas wat vir verkoeling gebruik word ingeasem. Die skip was van Singapoer na die Falkland-eilande op pad. Die polisie ondersoek wat tot die lekkasie aanleiding gegee het.