Argieffoto
Een persoon is dood nadat ʼn ligte voertuig Donderdagaand in Bloemfontein teen ʼn vragmotor gebots het.
Santi Steinmann, ʼn woordvoerder van Netcare 911, het gesê die ongeluk het op die kruising van McKenziestraat en die N8-pad plaasgevind. “Dit is in die stadium nog nie bekend wat die ongeluk veroorsaak het nie. Toe paramedici by die toneel opgedaag het, was die persoon in die ligte voertuig reeds dood,” het Steinmann gesê.
Die polisie ondersoek die voorval.
