Een sterf, ses beseer in Pretoria-botsing

ʼn Vrou is dood en ses mense beseer nadat die taxi, waarin hulle vervoer is, Maandagoggend in Pretoria gerol het.

Chris Botha, ʼn woordvoerder van Netcare911, sê die ongeluk het omstreeks 06:34 in Eeufeesweg gebeur. Die wrak van die taxi het die besige pad versper. Een vrou is op die toneel dood verklaar. Ses ander mense het geringe beserings opgedoen en is met ambulanse na nabygeleë hospitale geneem.

Verkeer in die omgewing is erg vertraag deur die ongeluk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae