Ellen DeGeneres sal in 2014 die Oscar-toekennings vir ‘n tweede keer aanbied, het die vervaardigers van die Academy Awards Vrydag aangekondig.
DeGeneres het die gesogte toekenningsaand in 2007 ook aangebied en het ‘n Emmy-nominasie vir haar vertoning ontvang. Seth MacFarlane, wat die toekenningsaand vanjaar aangebied het, het gemengde resensies ontvang. Hy het reeds aangedui dat hy nie beskikbaar sal wees om weer die toekennings aan te bied nie.
Die Oscars word op 2 Maart gehou.