Eskom sê kragonderbrekings kan voorkom

Die voortslepende staking in die steenkoolbedryf is besig om druk te plaas op Eskom se steenkoolvoorraad.

Eskom sê hy het tans 36 dae se voorraad maar dat indien die staking voortduur kragonderbrekings kan voorkom. Nagenoeg 150 duisend mynwerkers staak sedert verlede week nadat vakbonde die werkgewers se aanbod verwerp het. Die werkgewers bied tussen 7 en 9 persent aan terwyl Uasa en NUM op ʼn 14 persent verhoging aandring. Solidariteit eis ʼn 12 persent verhoging. Onderhandelinge word Donderdag voortgesit by die Kamer van Mynwese, wat namens die werkgewers onderhandel. Volgens Eskom is dit ideaal indien daar 40 dae se steenkoolvoorraad is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.