Eskom verklaar noodtoestand

Foto: GCIS

Foto: GCIS

Eskom het Dinsdag ʼn noodtoestand oor die land se kragtoevoer verklaar en ʼn beroep op verbruikers gedoen om hul elektrisiteitsverbruik erg in te perk.

“Die elektrisiteitstelsel is erg beperk as gevolg van die verlies van bykomende eenhede van ons kragstasienetwerk en die uitgebreide gebruik van noodreserwes,” het Eskom in ʼn verklaring gesê. “Dit het Eskom genoodsaak om ‘n noodtoestand te verklaar in terme van die goedgekeurde regulatoriese protokolle.” Eskom het onder meer van sy groot industriële kliënte versoek om hul kragverbruik met minstens 10% te verminder. “Terwyl ons alles in ons vermoë doen om beurtkrag te voorkom, is ons hoopvol dat ons die nodige vermindering te weeg kan bring wat nodig is om die nasionale kragnetwerk te beskerm.” Eskom het verbruikers gevra om nie-noodsaaklike toerusting soos geysers, swembadpompe en lugverkoelers af te skakel tussen 17:00 en 21:00. Eskom het intussen as ʼn voorsorgmaatreël beurtkragskedules begin publiseer op die webtuiste www.loadshedding.eskom.co.za. Verbruikers kan ook Eskom se inbelsentrum kontak by 086 003 7566 vir meer inligting.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Somerset (Sommie) Morkel

Maar hier by ons in Rietondale, Pretoria is dit amper 08.00 in die oggend, en die straatligte brand die afgelope twee oggende steeds tot hierdie tyd. My vrou en ek gaan stap so teen 6.30vm elke oggend. Die ligte kon al van 05.30 af afgesit gewees het. Een vd dae kry ns die boodskap: Julle het nie genoeg gespaar nie – hier kom beurtkrag. Maar die dekselse moroonsipaliteit is die oorsaak.

anita

Eskom het erinstige huiswerk om te doen.my krag gebruik is meer as vorige maand.ek koop
R200 se krag elke 3 de dag.nou is dit R250 se krag elke 3 de dag.bel eskom vra vat gaan aan
Nee ons krag is op.maar al die niebetaalers word oorgesien.eskom gaan hul [email protected] behoorlik
Sien voorentoe.STERKTE ESKOM!

Evet

Wat as Eskom miskien begin om al die ligte wat so helder brand deur die dag afgesit. Ek glo ons almal kan behoorlik sien deur die dag. Dit is krag wat in die aand baie nodig is. Groot spreiligte brand verwoed deur die dag. Hoeveel onnodige krag word vermors. Neeeeee kom Eskom, doen jul deel, en die publiek sal dalk daarna hul deel doen. Hoekom moet huiseienaars wat krag koop, ligte afsit en krag spaar, maar eskom is die grootste vermorser van krag. SIT AF AL DIE KRAG WAT DEUR DIE DAG OP HOOFPAAIE BRAND EN BY SPORTSGRONDE. DIT BRAND… Lees meer »

Peter Says

Dit is mos weer Kersfees, ek se niks verder nie.

Johan Viljoen

Eskom is so besig om planne te maak om die verbruiker se geld in sy sak te kry dat beplanning en instandhouding net nie bestaan nie. Ek kry ons ou landjie jammer met sulke bestuur.