Chris Mahlangu. Foto: Siphiwe Sibeko / Reuters
Chris Mahlangu, wat skuldig bevind is op die moord van Eugene Terre’Blanche, is Woensdag gevonnis.
Regter John Horn het Mahlangu tot lewenslange tronkstraf in die hooggeregshof in Ventersdorp, Noordwes gevonnis. Horn het ook Mahlangu se beweringe dat hy deur Terre’Blanche verkrag en gevolglik deur MIV besmet is, afgemaak. Mahlangu is ʼn verdere 15-jaar gevonnis vir huisbraak.
Mahlangu se medepligtige, Patrick Ndlovu, is ook aan huisbraak skuldig bevind. Ndlovu is tot twee jaar tronkstraf gevonnis wat vir 5 jaar opgeskort is.
