Chris Mahlangu word Maandag in die rondgaande hof op Venterdorp gevonnis vir die moord op die voormalige AWB-leier, Eugene Terre’Blanche.
Mahlangu is verlede maand daaraan skuldig bevind dat hy Terre’Blance in April 2010 in sy plaashuis met ʼn panga doodgekap het. Hy is ook skuldig bevind aan poging tot roof en huisbraak.
Sy mede-beskuldigde, Patrick Ndlovu, is vrygespreek op aanklagte van moord en poging tot roof, maar is skuldig bevind aan huisbraak.
Getuienis ter strafverswaring en -versagting sal waarskynlik aangehoor word.