ET-moordenaar: Saak uitgestel

Chris Mahlangu. Foto: Siphiwe Sibeko / Reuters

Chris Mahlangu, die man wat aan die voormalige AWB-leier Eugene Terre’Blanche se moord skuldig bevind is, se vonnisoplegging is Maandag tot 20 Augustus uitgestel.

RSG berig volgens hofverslae is ‘n verslag ter strafversagting vir die mede-beskuldigde, die 18-jarige Patrick Ndlovu, nog nie gereed nie.

Honderde ondersteuners van die hoofbeskuldigde, Chris Mahlangu, het vroeër vandag buite die rondgaande hof op Ventersdorp saamgedrom. Die 30-jarige Mahlangu is skuldig bevind aan die moord op Terre’Blanche in April 2 jaar gelede. Ndlovu is aan huisbraak skuldig bevind.

Mahlangu se regsverteenwoordigers het aangedui dat hulle vir kwytskelding gaan aansoek doen wanneer hul kliënt weer in Augustus in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae