Die sogenaamde “Facebook-verkragter”, Thabo Bester (23), is Donderdag in die Wes-Kaapse hooggeregshof in Kaapstad tot lewenslange tronkstraf gevonnis. Bester is Maandag skuldig bevind vir die moord op die 26-jarige model, Nomfundo Tyhulu. Bester het Tyhulu in September 2011 in die haar bors gesteek terwyl hulle op vakansie in Milnerton, Kaapstad, was.
Bester is die “Facebook-verkrager” gedoop oor die wyse waarop hy sosiale media gebruik het om sy slagoffers, waaronder Tyhulu, te lok. Hy is verlede jaar tronkstraf opgelê vir roof en die verkragting van twee modelle in Durban en word ook verdink van ’n reeks ander misdade in Kaapstad, Gauteng en Durban.
Hy is ook 25 jaar tronkstraf opgelê op aanklag van roof nadat hy Tyhulu se skootrekenaar gesteel het. Die vonnisse gaan gelyktydig uitgedien word.
Nee hemel dis niks!!!! dis mense soos die ou wat gehang moet word……maak my siek
Ek stem – dit sal nie die mense terugbring wat deur hom vermoor is nie!