ʼn Geliefde akteur en mentor in die Suid-Afrikaanse vermaaklikheidsbedryf is gister oorlede.
Goliath Davids, ʼn dramaturg, verhoogkunstenaar, televisie- en filmster sal vir altyd onthou word as ʼn Dawid met ʼn Goliat-persoonlikheid. Hy was veral bekend vir sy rol as Selling Komoetie in die rolprent Fiela se Kind en het ook in Onder Engele gespeel.
Tvplus Magazine het laat Dinsdagaand op Twitter geskryf: “Goliath Davids veteraan-akteur wat 60 jaar in bedryf was en oupa van Christo Davids, bekend as Errol van die sepie 7de Laan, is vandag oorlede.”