Altesaam 24 laerskoolkinders is Vrydagoggend beseer nadat die taxi waarin hulle vervoer is, in Johannesburg in ‘n ongeluk betrokke was.
Werner Vermaak, ʼn woordvoerder van ER24, sê die ongeluk het op Blueberryweg in Honeydew plaasgevind. “ʼn Minibustaxi het die leerlinge na ʼn skool in die gebied geneem. Die taxi was onderweg na Beyers Naudeweg toe die bestuurder glo beheer oor die voertuig verloor het. Dit het teen ʼn paal gebots en omgeslaan,” het Vermaak gesê.
“Gelukkig het die kinders nie té seer gekry nie. Die meeste is vir kneusplekke en skraapwonde behandel. Die bestuurder het matige beserings opgedoen.“ Die oorsaak van die ongeluk sal deur ʼn polisie-ondersoek bepaal word.
is maar spoed hulle worry nie oor ander mense se lewens
Speed and greed!! The more trips the more money. Whenever is our slapgat government going to stop the anarchy in our country.