Foto: Drie sterf in Lanseria-vliegtuigongeluk

lanseria vliegtuigongeluk atTweetTheodora twitter

Die foto van die ongeluk is deur @TweetTheodora op Twitter gelaai.

Ten minste drie mense is dood nadat ʼn ligte vliegtuig Maandagoggend by die Lanseria-lughawe neergestort het.

Die ligte vliegtuig, ʼn King Air 90, het glo weens slegte weersomstandighede neergestort en aan die brand geslaan.

eNCA berig die vliegtuig het die aanloopbaan heeltemal gemis en in ʼn oop stuk veld naby die ExecuJet-gebou neergestort.

Die oorledenes se name kan nog nie bekend gemaak word nie, aangesien hul naasbestaandes nog in kennis gestel moet word.

Daar is nog nie duidelikheid oor die hoeveelheid mense aan boord nie, maar volgens eNCA was daar net drie mense, twee passasiers en ʼn vlieënier, aan boord.

Gavin Sayce, Lanseria-lughawe se uitvoerende hoof, het aan die uitsaaier bevestig dit was ʼn King Air 90 was en dié soort vliegtuig kan net sewe passasiers vervoer.

Sayce het gesê die ongeluk beïnvloed nie bedrywighede by die lughawe nie, aangesien die wrak ver van die aanloopbaan is.

Bron: SAPA, eNCA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae