ʼn Brand het Donderdagoggend by die Green Acres-winkelsentrum in Port Elizabeth uitgebreek.
Die sentrum sê in ʼn verklaring dat die brand omstreeks 3:00 Donderdagoggend in die House and Home-winkel uitgebreek het. Die brandweer is na die toneel ontbied. Niemand is tydens die voorval beseer nie. Daar is intussen skade aangerig aan verskeie winkels in die sentrum. Green Acres sê die volgende winkels sal vir die res van die dag gesluit wees: Checkers, House & Home, Spitz, ABSA, Bargain Books, Ackermans, Jet, Rage, Levisons, Romens, Exact, Identity, Queenspark, Debonairs, Froggies at Tinas, Health and Comfort Shoes, Shoe City, Travelex, Fragrance Boutique, Cut Above, Home Comforts, Sheet Street, Maurice Levin, Torga Optica, Pollocks en BT Games. Ander winkels in die sentrum sal oop wees vir besigheid.
Die oorsaak van die brand is nog nie bekend nie en die voorval word ondersoek.
Die foto’s is deur die gebruiker @Werner_Patat op Twitter gelaai.
[nggallery id=22]