Foto’s: Goederevragmotor rol op N12 buite Potchefstroom

Foto: ER24

‘n Goederevragmotor het Dinsdagmiddag op die N12 in die rigting van Klerksdorp, sowat 15km buite Potchefstroom gerol.

Die voertuig is erg beskadig en het verskeie kere gerol, het Vanessa Jackson, woordvoerder van ER24, gesê. Die goederevragmotor het op sy wiele aan die kant van die pad tot stilstand gekom, maar die brood en goedere wat hy vervoer het, was oor die pad gestrooi. Die passasier kon uit sy sitplek klim en het rondgeloop toe paramedici opgedaag het. Die bestuurder was egter in die wrak vasgevang. Paramedici van ER24 het die man deur ‘n smal opening in die voorruit begin behandel terwyl hulle vir die brandweer gewag het om die man met lewenskake uit die wrak te bevry. Die 26-jarige man het ‘n ernstige kopwond opgedoen, sowel as moontlike rugbeserings en verskeie diep snye aan sy gesig. Die gevorderdelewensondersteuningsparamedikus het hom uitwendige asemhalingstoerusting aan die man gekoppel en hy is per ambulans na die Mediclinic in Potchefstroom geneem.

Foto: ER24

Foto: ER24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.