ʼn Groep kinders het Maandag bande aan die brand gesteek en daarmee strate in Bekkersdal, buite Westonaria in Gauteng, versper.
ʼn Fotograaf van SAPA wat op die toneel was, skat die kinders se ouderdomme tussen ses en 13 jaar oud. “Daar was tussen 30 of 50 van hulle wat bande aan die brand gesteek het naby die ingang na die informele nedersetting. Daar is ʼn sterk polisieteenwoordigheid wat die brande geblus het. Hulle hou die situasie fyn dop,” het die fotograaf gesê.
Die polisie het vroeër ʼn groep kinders, wat in skoolklere was, uitmekaar verjaag en hulle beveel om skool toe te gaan. Volgens die fotograaf het kinders wat nié skoolklere gedra het nie, die bande aan die brand gesteek.
Gewelddadige betogings heers nou al vir die afgelope week by Bekkersdal, weens inwoners wat oor beter dienslewering betoog. Die betogings het skoolgaande kinders erg geraak.
Die provinsiale departement van onderwys het verlede week aangekondig hy het spesiale residensiële kampe buite die gebied opgestel om matrikulante te help met hul matriekeksamen wat Maandag afgeskop het.
– SAPA
Hierdie kinders volg net die voorbeeld van hul ouers na. Ongelukkig is lyfstraf nou n kriminele oortreding, anders kon n mens hulle met n sambok uiteen gejaag het !!
Hierdie kinders volg net die voorbeeld wat hul ouers stel na. Dis jammer dat lyfstraf nou verbode is, anders sou n sambok of twee baie effektief gewees het om hulle uiteen te jaag !
Is ons enigsins verbaas dat jong kinders ook “geweldadig” betoog ? Hulle sien dit immers gereeld by die volwasenes en doen dit bloot maar net na,
Die ganse tendens is nietemin sorgwekkend en kan mens bykans beweer dat ons besig is om ‘n betogende-generasie te kweek. Hoe gaan sake oor 10 of 20 jaar daar uitsien ?
Tussen 6 en 13jaar oud??? Dis baie erg!!!
Dit is vreesaanjaend om te dink dat ons land se toekoms in hul hande is!!!!!!!