Europa en Asië sal vandag af formeel met ‘n tonnel verbind wees, wanneer ‘n treintonnel onderdeur die Bosporus geopen word.
Dié tonnel, wat Marmaray heet, verbind Europese Turkye met Asiatiese Turkye. Die naam is ‘n kombinasie van die See van Marmara net suid van die tonnel, en “ray”, die Turkse woord vir spoor.
Treine wat deur die tonnel loop, sal ‘n miljoen passasiers per dag kan vervoer, en ‘n gedeeltelike oplossing bied vir Istanboel se verkeersprobleme.
Die tonnel is 13.6 kilometer lank, waarvan 1,4 kilometer onder die seestraat self loop, en is op 62 meter diep die diepste tonnel van sy soort ter wêreld. Die deel onder die seestraat bestaan uit ‘n aardbewingbestande buis wat uit verskeie dele saamgestel is. Die stukke is deur die water laat sak, en begrawe en gelas. Turkye word gereeld deur kragtige aardbewings geskud.
Dit is deur ‘n gesamentlike Turkse en Japannese projek gebou, en regeringsleiers van beide lande woon die openingeverrigtinge by.
Die bouwerk het reeds in 2004 begin, en sou in 2009 in bedryf gestel gewees het, maar die bouwerk is erg opgehou toe argeologiese oorblyfsels uit die Bisantynse era ontdek is. Daar is reeds twee brûe oor die Bosporus, en ‘n derde word beplan. ‘n Tonnel vir motorverkeer word ook beplan.
Dis dalk n goeie ding? Maroela waarom moet ek elke keer as ek wil kommentaar lewer my naam en e-pos adres gee? Ag nee man mens doen dit een keer en dan is dit mos klaar? Jinne elke keer? Gonnas dan los ek eerder die kommentaar.
Sal julle my asb. Antw? Dankie.
Dagsê Justi, gaan op die navigasie hierbo na Groot Debat > Registreer.
Ek sou graag ‘n dokumentêr oor die konstruksie van hierdie tonnel wou sien.
Gunter, hier is ‘n paar joetjoebies ( in Duits) – klik op die skakel. Aan die regterkant is skakels na nog 3 videos:
http://www.youtube.com/watch?v=UB4KxNbSgUM&list=PL6CDCD60800478221&index=2
Baie dankie Henrietta! Toevallig is ek Duits.
Nog een … video skote met mooi musiek, sonder kommentaar – net die mense daarby kan mens mooi sien HOE groot dit is – alles diep onder die see!:
http://www.youtube.com/watch?v=xDTQrfCstnk