Video en foto’s: Man vas ná hy glo 10-jarige aanrand

Angelique se beserings Foto verskaf

Angelique se beserings Foto verskaf

‘n Video en nog ‘n foto volg onderaan die berig. ‘n Senior beampte van korrektiewe dienste is Woensdag in hegtenis geneem nadat hy op 9 Desember glo ʼn 10-jarige dogtertjie aangerand het, het die polisie aan Maroela Media gesê.

Zwandile Mkhuma het op 9 Desember Angelique Meintjies (10) na bewering met sy gordel geslaan nadat sy, haar sussie en ʼn maatjie sampioene gepluk het voor sy huis op die gronde van die departement van korrektiewe dienste in Boksburg.

“Angelique en haar tweelingsussie loop gereeld voor die man se huis verby,” het Eben Meintjies, Angelique se pa, aan Maroela Media gesê. Die gesin woon ʼn paar huise van die beskuldigde se huis af. “Hulle het die oggend weer verby sy huis geloop en van die wilde sampioene, wat op die sypaadjie groei, uitgetrek. Die man het uit die huis uit gestorm en wou weet wat hulle maak.” Twee van die dogtertjies kon weghardloop, maar Mkhuma het Angelique glo in die hande gekry en haar met sy gordel begin slaan.

Die saak is op 10 Desember reeds by Dawnpark-polisiestasie aanhangig gemaak, maar volgens Meintjies het die polisiestasie met die saak gesloer.

Kol. Mabena, ʼn woordvoerder van die polisiestasie, het Woensdag aan Maroela Media bevestig die saak is oopgemaak, maar die beampte is eers vanoggend in hegtenis geneem. “Hy is dadelik hof toe en sal vandag nog in die Vosloorus-landdroshof verskyn,” het Mabena gesê.

Nog ‘n foto volg onderaan die video.

Die volgende insetsel is deur eNuus vervaardig. Kyk eNuus elke aand om 19:00 op kanaal 144 en 145 op DStv.

Angelique se beserings Foto verskaf

Angelique se beserings Foto verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Joma

Mooi man en ek hoop hulle weier borg!

Eben

Mooi so Zwandile Mkhuma nou gaan jy bars. Ek hoop Eben Meintjies trek jou kaal uit want hier gaan die belastingbetaler nie betaal, maar jy in jou persoonlike hoedanigheid. Sien uit om te lees hoeveel duisend jy gaan betaal. Die Meintjies gesin kan daar geldjies goed gebruik oor die kersseisoen.

Kol. Mabena vertel ons hoekom is daar in die eerste plek niks gedoen aan die saak? Kom kom ou grote vertel ons hoekom is die polisie weer slapgat!

Willy

Eben Meintjies moes sommer Mkhuma ook met daardie einste belt bygekom het. Hoop die Meintjies gesin se eis is groot dat Mkhuma in die toekoms twee keer sal dink.
Gou gesond word Angelique.

Karin

As daardie my kind was, was daardie man in die lykshuis en ek in die tronk.

Jasper

Ek weet mens moet koelkop bly, maar as hy dit aan my kind gedoen het was ek voor hom in die tronk en hy in I. C. U.