Foto’s: Meer as 550 dood in Indië-vloede

Vloede in Indië

Foto’s volg onderaan die berig.Meer as 550 mense is dood ná ‘n geweldige storm Indië getref het.

“565 mense is dood in blitsvloede en grondverskuiwings,” het Vijay Bahunguna, minister van Uttarakhand, aan CNN-IBN gesê, berig www.sbs.com.au. “Hierdie tipe ramp het nog nooit in die geskiedenis van die Himalayas gebeur nie.”

Helikopters en duisende soldate is ontplooi om meer as 50 000 mense, wat bykans ‘n week ná die vloede weens swaar reën gestrand is, te red. Riviere wat hul walle oorstroom het, het huise, geboue en selfs dorpies meegesleur. Brûe en nou paaie wat na dorpies, wat hoog in die berge geleë is, lei, is ook vernietig.

“Talle mense word nog vermis. Die dodetal kan nog binne die volgende paar dae skerp styg,” het Yashpal Arya, minister van noodverligting, gesê.

Bahuguna het die Indiese departement van meteorologie blameer dat hulle nie voldoende waarskuwings voor die tyd uitgereik het nie. Die storm het glo vroeër as verwag die gebied getref.
[nggallery id=137]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.